Pagbaba ng presyo ng mga bilihin, mararamdaman na!

Presyo ng mga pangunahing bilihin, bababa na / larawan mula sa Philippine Star

Manila, Philippines – Simula ngayon buwan ay mararamdaman na ng mga mamimili o consumer ang epekto ng ginagawang hakbang ng pamahalaan upang pababain ang presyo ng mga panunahing bilihin, ang magandang balitang ito ay ayon sa economic manager.

Ayon kay Socioeconomic Planning Secretary Ernesto Pernia nitong Linggo, ang mga epekto ng pagtugon ng administrasyon ni Pangulong Rodrigo Duterte sa non-tariff barriers sa importasyon ng bigas at iba pang produktong pagkain ay mararamdaman na ngayong Nobyembre.

“Maramdaman talaga ito siguro sa November, December at saka definitely sa 2019,” ayon kay Pernia

Maliban sa balitang ito, sinabi rin ni Pernia na inaasahan ding bumaba ang inflation rate sa target range ng gobyerno na 2 hanggang 4% sa susunod na taon.

Dala ng paparating na anihan at inaangkat na bigas at iba pang produktong pagkain, dapat lamang na bumaba ang presyo ng mga pangunahing bilihin, ayon sa economic manager.

Sunod sunod rin ang naging pag baba ng presyo ng petrolyo bunsod ng pagbaba ng world oil price na sa ngayon ay may average nang $63 hanggang $65 per barrel, ayon pa kay Pernia.

Samantala, sinabi rin ng Department of Finance na ang month-on-month inflation para sa Oktubre ay bumaba ng 0.05 percent mula sa 0.8 percent noong nakaraang buwan.

Source: Remate